Желі — өндірістің бір бөлігі ретінде

Флагман смартфон қымбат тұрады. Бірақ оның мүмкіндіктері тек құрылғының өзіне ғана байланысты емес.

Суреттерді жасанды интеллект (ЖИ) арқылы өңдеу, бұлтты қызметтер, 4K бейне, ауыр қолданбалар — осының бәрі тиісті желілік инфрақұрылымды қажет етеді. Желі көтере алмаса, қымбат құрылғының мүмкіндіктерінің бір бөлігі пайдаланылмай қалады.

Бұл ой кешегі AI & Digital Bridge іс-шарасында Kcell басқарма төрағасы Асқар Жамбакинмен болған әңгімеден кейін қалды. Біз бұл ойдың әдеттегі смартфон шеңберінен қаншалықты алыс кететінін көргіміз келді.

Нәтижесі — айтарлықтай алыс екен.

Пайдаланушының смартфоны мен ұшқышсыз карьералық самосвал — екі бөлек құрылғы. Бірақ Kcell-дің міндеті екі жағдайда да бір: цифрлық құралдың мүмкіндіктерін толық іске асыруға мүмкіндік беретін желіні қамтамасыз ету.

💻 Желі — өндірістің бір бөлігі

Kcell өнеркәсіп нысандарында жеке LTE/5G желілерін дамытып келеді. Мұнда желі кәсіпорынның технологиялық инфрақұрылымының бір бөлігіне айналады: деректерді беруді, қауіпсіздікті, жабдықты, ұшқышсыз техниканы және өнеркәсіптік ЖИ негізіндегі шешімдерді қосуды қамтамасыз етеді.

🚀 Мысал — карьералық самосвалдар

ERG компаниясының «Восточный» кенішінде ұшқышсыз карьералық самосвалдар компанияның жеке желісі арқылы қашықтан басқарылады. Жамбакиннің айтуынша, бір оператор бір мезгілде 10-ға дейін машинаны басқара алады.

Желі арқылы көп тонналы техника қозғалғанда, жылдамдықтың өзі жеткіліксіз. Қосылымның тұрақтылығы, кідіріс, қамту аймағы және деректерді нақты уақыт режимінде беру шешуші мәнге ие.

Мұндағы байланыс ақауы — смартфондағы «ілінген» бейне емес. Бұл өндірістік жабдықтың тоқтап қалу қаупі.

📌 Мұнда телеком рөлінің өзі өзгереді

Дәстүрлі түрде оператор connectivity сатып келді — құрылғыны желіге қосу мүмкіндігін.

Бірақ IoT, ЖИ және автоматтандыру дамыған сайын желінің өзі өнімге айналуда: private LTE/5G, белгіленген сапа параметрлері, сенімділік, кідіріс деңгейі, қауіпсіздік және өнеркәсіптік жүйелермен интеграция.

Оператор трафик сатудан бірте-бірте желі мүмкіндіктерін инфрақұрылымдық қызмет ретінде сатуға қарай жылжып келеді.

Бұл — Қазақстанда енді қалыптаса бастаған жеке нарық.

Нәтижесінде бір технологиялық тізбек пайда болады:

құрылғы → желі → деректер → ЖИ/цифрлық қызмет → нәтиже.

Пайдаланушы қолындағы смартфон мен автономды карьералық самосвал осы тізбектің түрлі ұштарында тұр. Бірақ қағидасы бір:

цифрлық құрал өзі жасалған мақсатына сай жұмыс істеуі керек.

ЖИ мен автоматтандыру экрандардан нақты әлемге көшкен сайын, пайдаланушы әдетте байқамайтын инфрақұрылымның маңызы арта түседі.

RD media дайындады