Жасанды интеллект инвестициялардың басым бағыты болып қала береді, алайда киберқауіпсіздік бизнес үшін басты тәуекелге айналды

Жасанды интеллект әлемдік бизнес үшін инвестиция салудың негізгі басым бағыттарының бірі болып отыр. Сонымен қатар компания басшылары киберқауіптерге, деректерді басқаруға және технологияларды енгізудің экономикалық тиімділігіне көбірек көңіл бөле бастады.

Бұл — әлемдегі ірі компаниялардың 1 400 басшысы қатысқан KPMG 2026 Global CEO Outlook зерттеуінің нәтижелері. Қатысушылардың компанияларының жылдық түсімі 500 млн АҚШ долларынан асады. Зерттеу 12 нарық пен экономиканың 13 саласын қамтыды.KPMG 2026 Global CEO Outlook

Дереккөз: KPMG 2026 Global CEO Outlook

Киберқауіпсіздік басты орынға шықты

Басшылардың 31%-ы киберқауіпсіздік пен деректерді қорғауды алдағы үш жылда бизнестің өсуіне төнетін басты қатер деп санайды. Бұл жаһандық экономикалық белгісіздік көрсеткішінен (28%), геосаяси тұрақсыздық пен реттеушілік қысым көрсеткіштерінен (26%) жоғары.

Айта кетерлігі, CEO-лардың 45%-ы киберқауіпсіздік пен цифрлық тәуекелдерге төзімділікті арттыруға арналған инвестиция көлемін әлдеқашан ұлғайтқан.

Жасанды интеллект: инвестиция артып келеді, нәтижеге қойылатын талап күшейді

Басшылардың 79%-ы жасанды интеллектіні алдағы үш жылдағы негізгі инвестициялық басымдықтардың бірі деп есептейді. Бір жыл бұрын бұл көрсеткіш 71% болған.

Алайда инвестицияның қайтарымына қатысты көзқарас байыпты бола түсті. Жасанды интеллектке салынған инвестиция бір жыл бұрынғы 19%-бен салыстырғанда, қазір басшылардың тек 14%-ы ғана 6–12 ай ішінде қайтады деп күтеді. Ал 71%-ы нәтижені бір жылдан үш жылға дейінгі кезеңде алуды жоспарлап отыр.

Басшылар жасанды интеллектіні енгізудегі негізгі кедергілер ретінде этикалық мәселелерді (57%), киберқауіпсіздікті (52%) және технологиялардың құнын (51%) атайды.

Деректер мен мамандар болмаса, технология нәтиже бермейді

CEO-лардың 59%-ы жасанды интеллектіні дамыту және цифрлық егемендікті қамтамасыз ету стратегиялары аясында деректерді басқару мен бақылаудың ішкі тетіктеріне көбірек көңіл бөле бастаған.

Сонымен қатар басшылардың 56%-ы қажетті дағдылардың тапшылығын кадрлық саладағы басты сын-қатер деп санайды. Бұған жауап ретінде компаниялар қызметкерлерді қайта даярлауға және жасанды интеллектімен жұмыс істеуге бағытталған арнайы оқыту бағдарламаларына инвестиция салуда.

Біздің өңірде не өзгеріп жатыр?

KPMG Кавказ және Орталық Азия өңіріндегі технологиялық практикасының серіктесі әрі жетекшісі Константин Аушевтің пікірі ерекше назар аудартады:

Константин Аушев, KPMG Кавказ және Орталық Азия

Сәкен Жұмашев, KPMG Кавказ және Орталық Азия өңірінің басқарушы серіктесі

Өңір компаниялары үшін жасанды интеллектіні енгізудің нәтижесі барған сайын деректердің сапасына, қызметкерлердің даярлығына және экономикалық тиімділікті бағалаудың нақты өлшемдеріне тәуелді болып келеді. Сондықтан цифрлық инвестицияларды еңбек өнімділігіне, бәсекеге қабілеттілікке және бизнестің орнықтылығына қосатын үлесі тұрғысынан бағалау қажет.

KPMG Global CEO Outlook 2026 зерттеуінің толық нұсқасы: https://kpmg.com/kz/ru/insights/2026/10/global-ceo-outlook-survey.html